Grace Bible College (GBC) Principal search committee in a recommend, CEC in lemsakna a piak, Kumsim Khawmpi 75na/2023 in a pompih dungzui in Rev Gin Malsawm in tuni March 18, 2024 in outgoing Principal Rev Paukhanmang Guite akipan charge lata hi.
Principal incharge kipiakna Grace Bible College ah neih hi a, hun zatna Upa Dr. Vumchinpau Vice Chairman BOG in makaih hi. Upa B. Go Lian Mang member BOG in patna thumna nei in incharge kipiakna leh Installation of new Principal and prayer Rev. S. Vung Minthang, General Secretary, EBC in nei in tuazoh in thugenna principal lui leh thak ten neituak uhi.
Hiai hun ah Board of Governors, Faculty & Staff leh Dorcas Hall akipan General Secretary leh Director ten leng uap in, Upa Dr. Lalzagou Chairman BOG in kipahthugenna hun zang hi. Rev. Nenglian Vualnam, Director of Development, EBC in thumna nei in, incharge kipiakna hun zang zou uhi. Tuazoh in Principal Quarter ding a kibawl thak honna leh latna Rev. S. Vung Minthang, General Secretary, EBC in nei zui ngal in, kipahthugenna leh annkuanglatna Rev. N. Thawndoulian, Director of Ministries, EBC in nei hi.
Rev Gin Malsawm in JNU ah M.A. zou in, ACA ah M.Th azoh nung in GBC ah Lecturer sem a, Pastor, DS leh Director in leng hunpaisa ah na semta hi.
