Hondampa hongpianna Champha Khristmas 2023 hongtung ding kuan a i dinlai in Gam buaina i pal lellel a poi i sa mahmah hi.
Buaina haksatak palkawmkawm himahlehang Khristmas Khamuangtak leh nuamtak a zattheih chiat lametna toh deihsakna Chibai k'on buk uhi.
Tukum, kumdang a i hihdan ngei le hilou, himahleh buaina tuaklellel i hihna ah Khristmas zat dingdan toh kisai in hiaibang in lai i hawm hi "Khristmas 2023 toh kisai in gam pumpi a zuihding dan khat bawllou in Tualsung Saptuamte lemtan dan a ngak hoihpen ding ahi chih ahi." (Vide 317th CEC Thulakkhawm VI. 1. Of dated November 08,2023).
Tua ahihman in mahni lemtangdan bangchiat a Toupa phatna a thupi theipen a pethei chiat ding in Toupa'n hon Vualzawl chiat hen aw!
Sd/- REV. S. VUNG MINTHANG
General Secretary
Sd/- REV.THAWNDOULIAN
Director of Ministries
