Rehabilitation: Manipur gamsung buaina ziak a haksatna tuak saptuam mite tundingna nasep paitou zel in tuni 16.01.2024 (Sepnawnni) zing 7:30AM in mun tuamtuam ah hun kibang in galtai meithaite adia kibawl inn- Project Naomi Bawkta 5 latna leh piakkhiakna neih in om hi.
EBC Relief Sub Committee panlakna in kitundingna nasep tuamtuam omte lak ah Naomi Bawkta (inn neu) 5 bawl in om hi. Hiaite sepkhiakna ah intek saptuam ding a telkhiak a omte- EBCC Pethuel, EBCC Vaal Veng, EBCC Kanaan, EBCC Peniel, leh EBCC Khominthang ahi uh. Amaute’n Bawkta bawlna ah intek hihna la in, Divisional Superintendent makaihna nuai ah, phatuamngaitak in tha-le-zung sen tengteng hon siksak vek uhi. Nasepna teng zoh ahih toh kiton in alatna leh piakkhiakna hiai bang a neih ahi.
| Naomi Bawkta No. & Amun | Bawkta neitu ding | A lantu & pekhetu |
| No. 1; D. Leikot | Nu G. Niangngaihlun | Rev. Dr. S Vung Minthang |
| No. 2; D. Leikot | Nu Nemzahat | Rev. Dr. S Vung Minthang |
| No. 3; Kanaan | Nu G Goukhoching | Rev. Thawndoulian |
|
No. 4; Peniel
|
Nu Sangching
|
Rev. K Kamchinkhup
|
|
No. 5; Khominthang
|
Nu Chingzanem
|
Rev. Nenglian Vualnam
|
Hiai Bawkta bawlna ah Rs. 8,00,000/- (5x1,60,000) geih kiseng hi. Saptuamte’n relief thohlawm piakkhawmte uh zang a kibawl ahi. Amaute’n Pathian ompihna leh vualzawlna tang a hon luah theihna ding uleh vanzat bukim a hon neihpah theihna ding un Saptuamte’n thumna ah phawk chiat ni. Toupa’n thupina tengteng tangta hen, Amen.
Naomi Bawkta D. Leikot
Naomi Bawkta Kanaan
Naomi Bawkta Peniel
Naomi Bawkta Khominthang
