Mission nasepna a malakna, Nekzonna Dohkan Pulpit Nasepna (NDPN) toh kisai Director of Missions in Delhi ah January 26 - February 1, 2024 sung in Serving in Mission (SIM), National Missions Consultation (NMC) leh mi tuam tuam kimuhpih in houlimna nei hi.
January 27, 2024 in EBCC Dwarka ah Pathianni zing dak 11 kikhop leh nitaklam dak 2 kikhop ah mipi biakkhawmna hun ah NDPN vai genna nei hi. Saptuam makaite leh mipi lak ah hiaibang nasepna a lunglut bangzah hiamtak om hi a theih ahihman in kipahhuai mahmah hi. Hiai hun ah EBCC Dwarka Media Team in NDPN vai youtube a koih ding interview na leng nei uhi.
EBCC Dwarka Biakinn basement ah, sunnung dak 2:00 in Delhi Pastorte, Upa Ordained 3 tel in SIM apan Samuel, Sarah leh JP te toh houlimna nei uhi. Hiai hun ah, Director of Missions in NDPN vai ppt presentation bawl in, houlimna nei ua, a concept lungluthuai a sak man un maban a abik a business lam leh training resources lam ah kalsuan khawm theih ding ahihdan gen uhi.
Huaiban ah, National Missions Consultation (NMC) a heutute- Evan Kamkhenthang, John Samuel, Chairman, NMC a tenna inn ua va mu in NDPN vai houlimna va nei ua, amau leng lunglut mahmah uh ahihdan gen uhi.
