EBC Central Dorcas Sub-Committee saina in “PANPIHTU MUANHUAI” Genesis 2:18 thupi a nei in EBC Saptuam sung a Pastor te Zite Seminar January 24 - 25, 2024 sung Dorcas Jubilee Mini-Auditorium, Dorcas Hall, New Lamka ah neih in om hi. Seminar honna leh Devotion Rev. S. Vung Minthang, General Secretary in nei a, Resource person in Evangelist Upa Lianding Guite leh Evangelist T. Damkhothang te pang uhi. Rev. Thawndoulian, Director of Ministries in hanthawnna leh Seminar khakna nei in manphatak in zou uhi.
Resource person Evangelist Upa Lianding Guite in “Inkuan Kepna” chih thupi zang in seminar hun masa makaih a, Evangelist T. Damkhothang in “Midangte toh Kizopna” chih thupi a nei in seminar hunkhat mah makaih hi.
Hiai hun ah, Pastor zi 63 paikhawm ua, semkhawm himahle uh salam mah mah a leng kimukhangeilou leh kitheikhalou bangzahhiam ten salam a kimeltheihna kia leng manpha a sak dan uh a gen banuah, Resource person te thugen tungtawn a nakpitak a khalam kipahnathak nei uh ahihdan leng gen uhi.
