General News

Directorate of Social Development akipan Children Education Allowance (CEA) toh kisai theihsakna Divisional Superintendents, Field Superintendents, Khopi Saptuam Pastorte leh Head of Departments te kiang a laihawm hiai ah hong ki koihkhia hi.

Hiai Claimed Form toh kisai tate laizil om nawnlou/poimoh nawnlou te’n fill up ngailou ding a, himahleh, hun paisa a CEA a na ngah, tua leng ngahzom poimoh te’n fill up a, April 15, 2019 ma ngei a muhman dia Dorcas Hall a khak chiat ding i kitheisak hi. Hunchiam tan a muhte kia April 2019 apan CEA piak ahi ding a, huchiloute ahihleh form muh hunhun apan CEA piak hipan ding hi.

 

 CLAIM FORM HIAI AH DOWNLOAD THEIH


EBCC Mumbai in March 16, 2019 sunnung dak 1:00pm to 6:00pm in Air India Colony Kalina ah, Joint Departmental Fellowship neih in om hi. Hiai hun ah sinsakna Rev. S. Vung Minthang, Director of Ministries in “Pathian Pomtak Nasemtu” chih thupi pansan in sinsak nei a, lohchingtak in zou uhi.


Evangelical Baptist Convention Church (EBCC) Mumbai kiphuhni March 14, 2015 ahih dungzui in tukum in a kum 4na hita hi. Pathian kiang a kipahthugenna hun/Biakna kikhop Saptuam in The Parish Hall, Robinson Memorial Methodist Church, Byculla ah apaisa Pathianni (17/03/2019) nitaklam dak 03:30PM akipan 07:30PM tan nei hi.

Hiai hun ah worship team te makaih in Biakna leh Phatna hingtak mai la tungtawn in Pathian toh kihouna hun zat hi a, Pathian kiang a kipahthugenna Pastor M. Thangkhenmung, Local Pastor makaih in zui ngal hi. Pathian pomtak Biakna chih thupi zang in Monday Worship Service (MWS) te apan in Short Play lahna om hi. Biakna toh kisai thutak leh thu hingtak mai heutupa Rev. S. Vung Minthang, Director of Ministries, apan ngaihkhiak in om a, Anniversary cake cutting leng neih in om hi. BYF, Dorcas, MWS te apan Lapawl sakna om a, BCD te apan in Action Songs leh Kalina Prayer Cell apan in Bible Action leng om hi. Hiai hun a Pathian bia a kuan/kikhawm Saptuam mipi 150 vel pha uhi.

 


Directorate of Ministries, EBC saina in tuni March 9, 2019 in EBC Lamka South leh North Division sung a Saptuam Upate, Division level Committee member leh Pastor teng in EBCC Dorcas Veng ah Divisional Workshop on Worship kisinsak hun zang uhi.

Hunzatna Session 2 in kikhen a, session masa Dak 10:00am in kipan hi. Pitu in Rev.V.Thangkhangin, DS, LND pang a, Pastor D.Kamchinmang in vaidawn thu gen hi. Rev.S.Vung Minthang, Director of Ministries in “BIAKNA BANG AHIA” chih thupi zang in sinsakna hun zang hi. Tuazoh in kipahthugenna leh singpi latna Upa V.Ginchinpau, Chairman DWC, LND in nei in session masa zou uhi.

Sun Dak 12:00 in sunkhawl singpi dawnkhawmna hun zang ua, session nihna sunnung dak 1:00 in kipan hi. Hiai hun ah “POMTAK BIAKNA KINGAKNATE” chih thupi zang in Rev. Paukhanmang Guite, General Secretary in sinsakna nei hi. Tuazoh in, Upa S.Lalngailian, Chairman DWC,LSD in kipahthugenna leh annkuang latna nei in paikhawm ten annkuang umkhawmna fellowship nei in program zang zou uhi.

Program zat hunsung in EBC Central Choir in session tegel ah phatkhawmna hun makaih ua, kisinsakna hun zoh teng in topic toh kisai houlimna hun leng om zel hi.


Page 1 of 53

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91 8259014118
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC