General News

Executive Officer Meeting thupukna bang in Mini Auditorium leh Gospel Centenary Hall zat ding Dan/Rules hiaibang a bawlthak ahi. (Vide EOM 450 sitting, Resln. No. 1 of dated Sept. 10,2018)
General Secretary leh Director of Social Development in thusuah abawl anuai ah hong kitaklang hi. (No.EBC/GS/1(01)/17)


September 10, 2018 akipan Dorcas Mini Auditorium leh Gospel Centenary Hall, EBC Headquarters, zat ding Dan/Rules hiai anuaia banga bawlthak ahi.
This new Rules for Dorcas Mini Auditorium and Gospel Centenary Hall will be effective from September 10, 2018.

1. Saptuam vante leh Auditorium leh Gospel Centenary Hall Pathian nasepna a zat ding a tup ahi a, sum dawnna ding kia a bawl ahikei.
Auditorium and Gospel Centenary Hall and other properties of the Church are meant primarily for ministry purpose and not for sheer business.

2. Saptuam van ahih toh kiton in Pathian La leh Phatna Late kia sakna mun a zat ding ahi. Zawlla leh la siangthoulou te sak na ding in phal ahikei.
Being the property of the Church, no music other than Gospel music is allowed to be played in the Auditorium.

3. Zu leh khkamtheih him him compound sung leh Auditorium leh Gospel Centenary Hall sunga hih leh tawilut phallouh bikbek ahi.
Alcohol and any prohibited substance is strictly prohibited within Auditorium and Gospel Centenary Hall and around Dorcas Hall Compound.

4. Electronic vanzat hi in Sound System hileh a saitu dia Office in a sehte loungal in sai/khoih phallouh ahi. A saitu dia seh hilou in a khoih ziaka siatna omleh a se pen ahoih in a dinkik ding.
The official authorized person alone is to handle the electronic/sound system, otherwise any damage caused due to unauthorized handling must be replaced a new by the concern person.


Sd/-
Rev. S. Vung Minthang
General Secretary
Evangelical Baptist Convention

Sd/-
Rev. Gin Malsawm
Director of Social Development


Evangelical Baptist Convention, Headquarters saina in July 16-17, 2018 sung Lamka North leh South Division EBC Workers’ Fellowship 2018 EBCC Hebron, New Lamka ah neih in om a, Pathian makaihna toh manphatak a zoh in om ta hi.

July 16, 2018 nitak dak 6:00 in Rev. E. Paukhanlian, DS Lamka North Division EBC in hong hi. Hiai Fellowship hunsung in General Secretary, EBC leh Director te’n sinsakna thupi tuam tuam pansan in sinsakna nei uhi. Hiai hun in Rev Gin Malsawm, Director Social & Dev. in “Pathian Nasemtu Gahsuah” (Pathian nasemte kivelthakna leh mailam kalsuanna dia kisukna ding) sinsakna manpha pia a, worker ten manpha sa mah mah uhi.

July 17, 2018 zing dak 6:00 in Rev. Thangkhangin, Director of Missions in “Pathian Nasemtu Hindan” (Christian worker’s Ethics) chih sansak hi. Dak 10:00AM in Rev. S. Vung Minthang, General Secretary in “Kipiakna” chih leh Dak 1:00pm in “A kipia hinkhua a kilatkhiakna ding” chih thupite pansan in sinsakna nei a, hiai hun in worker tamtak in Toupa kiang a kipiakthakna nei uhi.

Rev. Paukhanmang Guite, Director of Ministries, Program Coordinator hun teng ah hunkemtu a pang in nitak dak 6:00pm in kipumpiakna hun makaih hi. Semtute akipan sharing ngaihkhiakna om in, fellowship manpha a sak dan uh leh hamphatpih ahihdan uh share uhi. Huchi in Program Co-ordinator makaih in kipiakthakna leh thumkhawmna hun thupitak nei uhi.

Tuazohin, Pastor V. Jelkhokai, Local Pastor EBCC Hebron in Fellowship khakna nei in, khelahtak in zou uhi.

Hiai program zatna Worker te akipan a kipah dan uh, manpha a sak dan uh leh maban a leng Heutute’n hon sawm zel uh lunggulh huai a sak thu uh genchim theilou uhi.

 

 


Central Missions Sub-committee (CMSC) in OMF International, Thailand toh semkhawm dia Missionary a kuan ding Rev. N. Khaikhuphang leh Mrs. Nianggelvung te nagotna, hasotna, thumsakna leh khakhiakna July 14, 2018 (Kiginni) nitak 6:30 in EBCC Hiangtam Lamka ah nei ding.


Detail Program:

HUN KEMTU:
Upa T. Paukhansiam, Missions Co-ordinator

LA A BIAKNA:
Lapitute makaih in

VAIDAWNNA:
Upa Joel G. Hangzo, Chairman, CMSC

PHATNA LAPAWL:
BYF Kanaan & BYF Hiangtam Lamka

COMISSIONING:
Rev V. Thangkhangin, Director of Missions

PHATNA LAPAWL:
EBC Central Choir

HASOTNA & CHOUNA:
Rev S. Vung Minthang, General Secretary

PHATNA LAPAWL:
Division Choir, Lamka North Division

TESTIMONY:
Rev Khaikhuphang & Ms. Nianggelvung

KUANDITE THUMSAKNA:
Mipi

THUKHUPNA:
Upa M. Ginzalian, Chairman, CEC

LA A BIAKNA:
Lapitute makaih in

VUALZAWLNA:
Pastor S. Thangchinlun, Local Pastor (Hiangtam)

Kuahiam gen/hihnop nei om leh Hunkemtu theihsak masak ding ahi.


Grace Bible College a Pathian thu sinnuam, piangthak leh Pathian sapna tangte ading in Admission form a nuai a course-te ading in hawmkhiak hita hi. Thuchian zaw Office ah muhtheih gige hi.

Program of Study
Master of Divinity

Duration of Study
Secular Graduate te ading in kum 3; ATA/Senate of Serampore nuai a B.Th. Grade ‘B’ a zoute ading in kum 2.

Essential Qualifications
Secular Graduate or B.Th. ATA/Serampore nuai a zoute

Program of Study
Bachelor of Theology

Duration of Study
Kum 3 sin ding

Essential Qualifications
Class XII zousa hiam Diploma in Theology zousa

Program of Study
Diploma in Theology

Duration of Study
Kum 2 sin ding

Essential Qualifications
Class X zousa te

Program of Study
Ministerial Training Course (Galzilna)

Duration of Study
Kum 2 sung-a zoh di

Essential Qualifications
Class VIII zousa te deihtuam biik ahi.

Lunglutna neite ading in Office ah hiam www.gracebiblecollege.in ah amuh theih ding hi. Ngetna form bukim July 17, 2018 tan in College ah piaklut ding ahi. July 19, 2018 ni in Admission Test a om dia, July 20, 2018 in personal interview om ding hi.

A poimoh mahmahte ading in Hostel leh Partial-Scholarship a om thei hi.

-Chinkhenthang Guite
Registrar


Bible Society of India apan thu kimu dan in Audio Bible bawl pawlkhat Mega Voice kichite’n BSIte kiang a permission lalou a Audio Bible a bawlkhiak uh copyright kalh-a gamtatna ahih ziak in kuapeuh pilvang ding in theihsakna hon bawl uhi. Hiai toh kisai in EBC sung ah leng pilvanna om ziak in hiai theihsakna hong kibawl hi. Saptuam in a bawl laibu leh labu himhimte copyright EBC khut a om ahi. Copyright neite kiang phalna lalou a suahkhiak himhim guktakna ahi a, dan toh kituak a action laktheih ahi. I Bible te uh Bible Society a neitu ahi ua, amau phalna lalou a print hiam, electronic hiam khat peuhpeuh a suahkhiak dan toh kituaklou ahi chih kuapeuh theih ding in taklat ahi. Tunung a hiaibang thil a om nawnlouhna ding a kuapeuh pilvang ding in i kingen hi.

 


Theihchiat dia poimoh

I SAPTUAM SUM SAIDAN THAK

I Saptuam EBC Pawlpi Government a Non Profit Charitable Society a kikhumlut leh 12A Certificate nei ahihman in i summuh leh zatnate Chartered Accountant audit saka Income Tax a kumteng a report kibawl zel ahi. Tuabang a kum tampi i pai nung in 2013 kum in e-filing kichi computer leh internet tungtawn a Govt a thot tak ding thu hong suak hi. Hiai thu hong om chiang in i Chartered Accountant uh BM Mukherjee & Co. te’n Internet Filing facility a neihlouh ziak un hon hihpih thei nawnlou suak uhi. Huaiziak in, hon hihpih thei ding Chartered Accountant dang zon hong kul hi. Sumsaina kikhekna hong kipatna ahihleh Core Banking system i chi hiam e-filing (hiai Internet Filing kichipen computer zang a i thotzel pen uh genna ahi) kichi Govt in hon zat a kipan ahi. Sumsai dan thak toh kisai a i kalsuan dan tomkim hiai bang ahi.

1. I Chartered Accountant in e-filing hih theilou ahihman in AMD & Associates te’n filing kum khat hon hihpih uhi.
2. Misiamte kidong a CA muanhuai deuh kizong kual a heutute phasakpihna toh SL Gangwal & Co. te tuni tan kizang tou hi.
3. E-Filling system hong kipat dungzui in Computerised Accounting a louthei lou ahihziak in tulai a kizang tangpi ERP 9 TALLY zangsiam Accountant khat heutute lemsakpihna in kila hi. Himahleh, amah lam a lemtan louhna hong om ziak in midang Computerised Accounting hihsiam kila thak a tuni tan kikalsuan tou thei tadih hi.
4. Core Banking system hong kipat apan in Income Tax in Saptuam PAN No. zang a Bank Account kihong tengteng direct in internet ah mutheita ua EBC HQ avek in koih uhi. Kum tawp teng a Annual financial consolidation i bawl chiang in CA in Audit a bawl EBC HQ a kizang Account teng kia dawk kha zel hi. EBC HQ Bank A/C neihte kia IT ah kilang thei a, Bank A/C dang i neihte e-filling kibawl lou ahihman in IT ah kitaklang theilou suak hi. Huaiziak in sum saidan thak i neih uh alou theilou hong suak hi.
5. Income Tax apan in avangkim in dotna chi tuamtuam HQ in a muh sek kia hilou tualsung Saptuam transaction sang deuh te’n leng Income Tax apan dotna mu tamkhop omta hi.
6. IT apan dotna hong pai chiang in Format Form omsa zang a dawn ding chih ahihman in ei ut dandan a dawn theih hilou hi.
7. Hichidan a kipai den theilou ding ahi chih i thiltuahte’n hon musak ahihman in heutute deihna bang in Income Tax toh kikal leh eisung sum saidan hon makaih thei ding misiam kizong mahleh lemtang thei nailou hi.
8. Sum saina lam a experience nei heutuliante leh i heutute’n bangzahvei hiam genkhawmna neihzel ahihnung in India leh gamdang tanpha a finance firm muanhuai hi-a kithei Center for Promoting Accountability (CPA), Noida te kidawp in heutute lemsakna toh amau consultant in kizang lel a amun ah i sumsai didan nihvei hong etpihta uhi. P&FSC inleng amaute toh genkhawmna nei zel uhi.
9. CPA te March 18-23, 2018 sung Dorcas Hall ah hong nawn in sumsai ding dan buaina i tuah zelte pumpelh dingdan P&Finance Sub- Committee ban ah eisung a sumsaina lam-a dot tham mi khenkhat toh houlimkhawmna neih ahi a, Govt. dante zuih mah kul ahihdan phawk in Planning and Finance Sub-committee in April 01, 2018 apan System thak zuih pat ding in thupuk a CEC ah petou uhi. CEC meeting 279na -Thupukna 12 ah hiai dan thak zat ding in pomna bawl uhi. Huaiziak in sum saidan thak lai hong kihawm pen i zui phot ding ua, tua kawm kawm in hichi zodeuh leh chih omte kikum a bawlpha zel a kalsuan i sawm ding uhi.

Toupa’n tua bang a semsuah thei ding in hon makaih hen!
-General Secretary, EBC

Source: KTZ May 2018 Issue


Page 1 of 48

CONTACT DETAILS

Headquarter
Evangelical Baptist Convention
P.O. Box - 6
Dorcas Hall
New Lamka - 795 006
Churachandpur
Manipur, India


Phone: +91-3874 233340
Email: ebc.india@gmail.com
Locate us

© 2018 Evangelical Baptist Convention. All Rights Reserved. Designed By EBC