MENU

2026 - Thupi Khennenna

JANUARY - FEBRUARY

THUPI

NUNGZUIHNA KIBULPHUHNA

GENCHETNA
Gingtute Toupa Jesu sinsak thutak leh khalam hinkhua a kibulphuhthakna. Toupa Jesu nungzui ding a gingtute kipiakthakna leh khovel thupil leh thuhoih tuamtuamte a kingalou a, Laisiangthou sinsakna liauliau a kingakthakna ding a kibulphuhthakna.
TANGTEL
Matt 28:18-20, Luke 14:25-27, Johan 8:31-32; 13:34-35; 15:1-7, Luke 9:23-24; 14:25-35, 1 Kor. 3:10-11, Kol. 1:28-29, Heb. 5:12-14, 1 Johan 4:19, -Sam 1:1-3.
TUP
  1. Laisiangthou sinsak nungzuihna theihchet ding.
  2. “Jesu nungzuih” kichi mimal a pat ding ahihdan theihchet ding
SEPKHIAT DING DAN
  1. Nungzuihna toh kisai Laisiangthou sinsakna suutkhawm ding.
  2. Saptuam makaite nungzuibawl dia sinsak ding.
  3. Mimal nungzuihna lunglutte a ding “sinsakna leh kithuahkhawmna” kumtawn a paizomthei ding pat ding.
  4. Inkuan Maitam/Kikhopna patchiat ding.
SERMON MAKAI
  1. Nungzuihna Bulpi Laisiangthou pansan a sinsak ding.
  2. Insung a nungzuihna pat dingdan sinsak ding.
  3. Nungzui dinga sapna leh “nungzuihna man” sinsak ding.
  4. Nungzuihna toh kisai theihkhelhtheihte genchet ding. Etsakna: saptuam member hihna leh Khrist nungzui hihna.
Download PDF

MARCH - APRIL

THUPI

INKUAN A KHRIST NUNGZUI

GENCHETNA
Inkuan Pathian bawl ahi a; a lunglutna pen leng ahi. Nu-leh-pa’n Toupa Jesu nungzui a itna tak toh Khrist a kizopna a neihchiang un; insung “biakna leh phatna inn” hong suak a, huai mah khotaang leh saptuam ah hong taangkhia hi.
TANGTEL
Deut. 6:4-9, Jos. 24:15, Efe. 5:25; 6:4, Kol. 3:13-14, 1 Kor. 13:4-8, Gal. 6:2, Pau. 3:11-12; 22:6, Matt. 19:4-6, Sam 127:1-3.
TUP
  1. Khrist nungzuihna inkuan a patthak ding.
  2. Nu/Pa te “Nungzui Bawltu” dia kisin ding, i inkuan chiat Khrist nungzui dia kalsuanpih ding.
  3. “Nungzui Bawlna” Bial Kikhopnate a zop ding. Inkuan chih panlakna; masawnna leh hatlouhnate kikupkhawm ding.
SEPKHIAT DING DAN
  1. Inkuan a teltheihna ding “Nungzuihna Chialpi/Kisinsakna” sai ding.
  2. Nu/Pa te a ding “Nungzuihna Workshop” kisinsakna hun sai ding. Parent Mentoring leh Networking pat ding.
  3. Inkuan a ding liauliau a thumkhawmna hun sai ding.
SERMON MAKAI
  1. Laisiangthou a nu-leh-pa, zi leh pasal, tate dinmun leh mohpuakna kigente sinsak ding.
  2.  Testimony sharing dia saptuamte hanthawn ding.
  3. Nungzuibawlna a nu-leh-pa dinmun sinsak ding.
  4. “Insung a Ginna” chih pansan a insung a ginna hinpih/lahkhiat dingdan sinsak ding.
Download PDF

MAY - JUNE

THUPI

KHOTANG A KHRIST NUNGZUI

GENCHETNA
Laisiangthou a kibulphuh itna leh thutak a zungkai khotaang i poimoh uhi. Saptuam a biakna leh kisinsakna i neih zahzah khotaang a gahkhiatsak ding ahi. Khotaang a kithuahkhawmna leh kisinsaknate leng Pathian’ pomtak hiding a panlak ding. Nungzuibawlna kithuahkhawmna a kipan ahi.
TANGTEL
Nas. 2:42-47, Matt. 6:33; 22:37-40, Rom.12:2-5, 2 Kor. 10:5, Gal. 6:1-2;9-10, Efe. 2:10, Fil. 2:1-4, Kol. 3:11, Heb. 10:24-25, Jak. 1:27, 1 Pet. 4:8-11, Eccl. 4:9-12.
TUP
  1. Nungzuihna inkuan apan khotaang ah puakkhiat ding.
  2. Khrist a kibulphuhthak khotaang suah ding.
SEPKHIAT DING DAN
  1. Biakinn leh saptuam pua ah itna nasep sep ding.
  2. Kongzing a thugenna leh phatkhawmna sai ding.
  3. Mihinpih tanse zawte lak ah itna nasep tungtawn a Khrist nungzui dia chial ding.
SERMON MAKAI
  1. Ki-itna leh itna nasep toh kisai, kideidanna mualsuahna toh kisai a Saptuam masate dinmun leh tangthu sinsak ding.
  2. “Koinonia” toh kisai sinsak ding.
  3. Sawltakte Nasepte sinsak ding.
  4. Jakob Laikhak pansan a nnahoih sep leh ginna toh kisai sinsak ding.
Download PDF

JULY - AUGUST

THUPI

KHRIST NUNGZUIHNA TUNGTAWN A KIZOPNA KISIATE BAWLHOIHNA

GENCHETNA
Gingtute a ding a Toupa Jesu thupiak ki-ittuah ding chih ahi. Mimal chih in Khrist itna tungtawn a midangte toh kizopna hoih neihding tuppipen a i koihding ahi. Gingtute kal a kimelmakna; kideidanna leh kingaihdamlouhna chihte’n mun a neihlouh ding ahi.
TANGTEL
Matt. 5:9; 23-24; 6:12-15; 18:15-17, Efe. 4:31-32, Kol. 3:12-17, Rom. 12:17-19; 20-21, 2 Kor. 5:18, Jak. 5:16, Pau. 15:1.
TUP
  1. Inkuan, saptuam leh khotaang ah kilemkikna leh kingaihdamna nasep pat ding.
  2. Khotaang ah saptuamte “Lemna Bawltu” a madawktak a pan ding.
SEPKHIAT DING DAN
  1. Saptuam leh Khotaang makai te a ding “Lemna Hunpi/Retreat” sai ding.
  2. “Conflict Resolution” thupi a nei a kisinsakna neih ding. A bik a saptuam leh khotaang makaite a ding.
  3. EBC hilou saptuam dangte toh kivehtuahna neih ding.
SERMON MAKAI
  1. Laisiangthou sinsak Ngaihdamna sinsak ding.
  2. Laisiangthou leh khovel khangthu a “Kilemkikna Tangthu” leh “Kilamthakna Tangthu” te sinsak ding.
  3. A tak gam a ngaihdamna sepkhiat dingdan sinsak ding.
  4. Toupa Jesu sinsak “Lemna bawlna” sinsak ding; sepkhiat dingdan sinsak ding.
Download PDF

SEPTEMBER - OCTOBER

THUPI

“KHAMANGTHANG MAN” KHRIST NUNGZUI

GENCHETNA
Toupa Jesu’ Nnagot Thupi sepkhiatna a kalbi masa tuh khamangthang matna ahi. Hiai gingtute tengteng sepding a Toupa’n hon nawtsiat nna ahi. A semtu’ hinkhua ah kipahna a tun a, a dongtu’ hinkhua ah suahtakna, leh van ah Toupa’ lungkimna a tun hi.
TANGTEL
Matt. 5:14-16; 28:19-20, Luke 19:10, Johan 3:16, Nas. 1:8; 17:17; 18:1-3, Rom. 10:14-15, 1 Kor. 12:15-26, Jude 20-25.
TUP
  1. Inkuan chih in khamangthang thumpih ding sehtuam neih ding.
  2. Saptuam member chih in khamangthang matna na sep a, mikhat bek Khrist nungzui ding a makaih ding.
SEPKHIAT DING DAN
  1. Inkuan chih “Missionary Inkuan” hihtheihna dia kisinsakna leh thopna neih ding.
  2. Inkuan chih in innvengte thumpihna hun pat ding.
  3. Vengsung a gingloute lak a kalsuanna neih ding.
  4. Lawm-leh-vual, seppih ginglou leh piangthakloute lak a “Tanchinhoih Theihpihtu” a pang ding.
SERMON MAKAI
  1. Khrist Nungzuihna leh Khamangthang matna kizopdan sinsak ding; nungzui teng khamangthang man dinga nnagot i hihdan sinsak ding.
  2. Marketplace Ministry, BAM leh NDPN te mimal chih kiheltheihna dia sinsak ding.
  3. Missions kichi nungchang a neih ding ahihdan sinsak ding.
  4. Toupa Jesu, Sawltak Paul leh saptuam masate khamangthang matdan leh nungzuibawldan sinsak ding.
Download PDF

NOVEMBER

THUPI

“KHRIST NUNGZUI BAWL” SAPTUAM

GENCHETNA
Tukum sung mimal, inkuan, khotaang leh saptuam a Toupa Jesu nungzuih ding ahihdan i sinkhawm hi. Khamangthang matkhawm ding ahihdan leng i sin in i semkhawm hi. Kum Thupi a i neihbang in tukum tawp kuan ah saptuam pumpi “Khrist Nungzui Bawl” saptuam chih theih i hita hi. “Member” tan lel a hunsak lou a, mimal chih “Khrist Nungzuibawl” ding a kisakhia in kalsuankhawm ni.
TANGTEL
Matt. 28:18-20, Mark 16:15, Johan 1:45; 15:16-17, 2 Kor. 10:16-18, Efe. 4:13-16, Kol. 1:28-29, Heb. 6:1-3.
TUP
  1. Khrist Nungzui Bawl Saptuamte’n lam chiteng a Toupa Jesu nungzuibawlna nasep sutzop ding.
  2. Tukum nasep leh sinsaknate etkikna hun zat ding. Khrist Nungzuibawlna a lungtunhuai hiam chih kiveelna hun zat ding.
SEPKHIAT DING DAN
  1. Department chih in tukum nasep etkikna hun zat a, Khrist nungzuibawlna lam a masawnnate chiamteh ding.
  2. Nungzuibawlna a masawnnate department te kikupkhawmna hun zat ding.
  3. Maban a kalsuantheihna lampi omte kikupkhawmna hun zat ding.
SERMON MAKAI
  1. Andrew leh Barnaba te hinkhua apan Nungzuibawlna toh kisai sinlai.
  2. Jesu Khrist nungzuibawldan.
  3. Jeremia hinkhua apan lohsapna leh lohchinna tehdan sinsak ding.
  4. Nungzui Bawl Hinkhua/Disciplemaking Lifestyle sinsak ding.
Download PDF

DECEMBER

THUPI

KIPAHTHU GENKHAWM SAPTUAM

GENCHETNA
Khrist nungzuihna leh nungzuibawlna a poimoh mahmah tuh kipahtheihna leh Pathian kiang a kipahthugenna ahi. Tukum sung saptuam pumpi in Toupa ompihna leh zahngaihnate tungtawn a Amah kianga kipahthugenna hun zat ding. Mimal a kipahthugenna, nnahoih sep tungtawn a kipahthugenna leh saptuam pumpi a kipahthugenna hun manpha zat ding.
TANGTEL
Rom 11:36, Fil. 4:6, 1 Thess. 5:18, 2 Tim 2:1-2, Heb. 12:28, Psalm 78:4-7; 100:1-3; 103:1-4; 107:1, 1 Kro. 16:34.
TUP
  1. Toupa hoihna phatkhawm ding.
  2. Itna Nasep tuamtuamte tungtawn a Pathian pahtawi ding.
SEPKHIAT DING DAN
  1. EBC sung a Saptuam tuamtuam kivehtuah a Pathian biakkhawm leh kipahthu genkhawm ding.
  2. Tualsung ah Testimony genkhawmna leh thumkhawmna hun zat ding.
  3. Mihinpih tanse zawte lak ah itna banzaak ding.
  4. Tukum a piangthak, baptisma tang leh nungzuibawltu te tungtawn a Pathian kianga pahtawina piak a kipahthu genkhawm ding.
SERMON MAKAI
  1. Pathian tunga kipah gige ding ahihdan leh pahtawina leh phatna piak ding ahihdan sinsak ding.
  2. Khalam gou kinawtsiat poimohna; a khang-khang a nungzui muanhuai hi a, khangthakte etton theih ding khalam nuntakna kinawtsiat (Legacy of Discipleship) a poimohdan sinsak ding.
  3. Kumthak a dinga kibawl Thupi leh a khennenna kitheihsiamsakna hun masa zat ding.
Download PDF
EBC is registered in Indian with Regd No. 2294 of 1977 under Society Act XXI of 1860. No. 194160016 of 1985 with Ministry of Home Affairs and No. 1204/12A/CA/93-94/27-29 under Income Tax Act 1961
 crossmenuchevron-down linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram