Website melthak

Website melthak i muhtheih non tak man in kipahhuai i sa hi. Tu in Department thum a khen in Ministries, Missions leh Development  te detail zawdeuh in hon ki khoih ta hi. Ministries ah DS, Division office, Pastor te leh Local saptuam a Chairman leh Secretary tan baihlamtak a muh theih ding in ki koihkhia hi. Missions ah Field te, Field Office, Field Superintendent. Missionary te leh partnership a i sepkhawmpih te list kikoih a, Development ah school toh kisai deuh hon ki koih phot hi. Division sung a school leh Evangelist Teacher te a sepnamun uh toh muhtheih ding hi. Maban ah behlap touhzel hidia, awl a hong bukim i lam en.

Hiaitan i tuntheih na dia hon makaih i biak pa Pathian ahihman in thupina teng teng Amah i pia hi. Huaibanah, hon kithuahpih Dorcas Hall, Division Office leh Field Office a Clerk te tung ah kipahna lian mahmah hi. Tua toh kiton in Information/content khenkhat heituah khak om zenzen leh pangkhawm a ahun bangzel a bawllem zel kisawm ahihman in tuatan a leng hon kithuahpih tou lai ding in iki ngen uhi.

Website lui a te Archive in ettheih ding in page tuam ah kikoih a, Menu ah Archive chih click in ettheih ding hi.

Website melthak i muh toh kiton in tua i zatlel www.ebc-india.org banah generic top-level domain www.ebc.church domain thak kinei ta hi. Eimah lemtan bang in a nih in zattheih ding hi.

A kimloute awl a hon ki update zel ding ahihman in, thukup, bawllemtuak om te Whatsapp no. 9612652270 OR EBC Media hon thuzak ding in kahon ngen uhi.

Official Website Domain
www.ebc-india.org / www.ebc.church