Gamsung buaina ziakin Evangelical Baptist Convention intekna nuai ah February 03, 2024 in EBC Bial pumpi thumna hun zat in om hi. Hiai hun in Lamka North leh South te kithuah in Lamka mun a Gospel Centenary Hall ah zing dak 10:00 AM a kipan nitaklam dak 2 tan thumna hun zat in om hi. Hiai hun toh kituak in Singngat, Thanlon, Mizoram leh Vangai Division in leng amau lemtang bang in thumna hun ana zang chiat uhi. Khopi Saptuam te a ding in hiai ni pen lemtanglou ahihman in February 04, 2024 in amau lemtan bang in thumna hun ana zang chiat uhi.
Hiai thumna hun ah, Kipahthugenna bang, Thuphatawina, Gam leh nam a ding, heutu leh Makai te a ding, Relief Center leh IDPs te a ding a i minam kipumkhatna leh ki itna a khansemna ding a thumna hun ahi. Lamka mun a mi 700-800 kikal paikhawm in nuam leh manpha tak a zat ahi. Pathian in i thumna te hon ngaihkhiaksak ngei lam-en kawm in nuam leh manpha tak a thumna hun zoh ahi. Thupina tengteng Pathian kia in tang hen.
EBC Headquarters
New Lamka, Churachandpur - 795006, Manipur, India
