February 8-11, 2024 sung Zo Baptist Church (ZBC) Vanglai, Burma in Hotdamna Chialpi nei uhi. Hiai hun ah Evan. T. Damkhothang makaih in sawltak 2 Thianzamuan leh Mangsuanlal ten thugenna hun zang uhi.
Evan T. Damkhothang in "Alien mahmah gupna thu thu don in" Heb. 2:3 thupi a nei in thugen hi. Hiai Chialpi ahihleh Vanglai khawmi tangval 2 leh nungak 1 tulel a Malaysia a om ten a khopih te uh a veina leh awlmohna ziak ua a sponsor uh ahi hi. Hiai Chialpi Vanglai khua te banah kim-leh-kiang a om Leipi Jang, Khuaivum, Cikha leh Behiang akipan in chialpi zang ding in mipi hunkhop paikhawm gige ua, lohching leh manphatak in zou uhi.
Chialpi hunsung in thugenna hun 10 neithei ua, a tawpni Feb. 11 nitaklam in khotualte vaisai in mipi nek ding bawngtal khat gou in annkuang umkhawm uhi. Pathian ompina toh tamtak in pianthakna ngah ua, Jesu Khrist nungzui ding a thupukna bawl thei tamkhoptak leng om uhi.
EBC Headquarters
New Lamka, Churachandpur - 795006, Manipur, India
