EBCC Mumbai kiphuhkhiat nung kum 9 chinna KIPAHTHUGENNA Robinson Memorial Methodist Church, Byculla, Mumbai ah March 10, 2024 in thupitak a neih in om hi. Hiai hun ah Rev. Nenglian Vualnam, Director of Development EBC in thugenna leh Saptuamte thumsakna hun zang hi. Mipi 100 val paikhawm in Kipahthugenna Ankuang umkhawm uhi.
Hiai ni mah in Director of Development EBC makaihna in, EBCC Mumbai in Upa telna leng lohchingtak in neithei uhi.
Hiai hun, lemtang a la in EBCC Mumbai a Department chih a committee memberte paikhawm in Departmental Joint Orientation March 09, 2024 nitaklam dak 01:30 apat 05:30 sung in nei uhi. Hiai hun ah Depertmental Year Plan 2024 pulakna Local Secretary in nei hi. Tua zoh in Kisinsakna thupi tuamtuam: Saptuam’ Dinsan, Kivaipuaknadan, Department-te’ Mohpuakna leh Christian Leadership Principles chihte pansan in nei uhi.
EBC Headquarters
New Lamka, Churachandpur - 795006, Manipur, India
