EBCC Aizawl, Dinthar in Hotdamna Camp lohchingtak in zang zou

EBCC Aizawl Dinthar Hotdamna Camp lohching leh gahsuahtak a zat zoh hita. October 29, 2024 nitak in Camp honna neih hi a, Camp khakna November 02, 2024 (Kiginni) zing a neih ahi. Hiai hun ah thugenpi in Evan. Damkhothang leh Mr. Elson Thanglunmang Guite te pang ua nikhat in thugenna/chialpina hun li (4) zel zat in om hi. Camper papi 20, tangval 20, nupi 08 leh nungak 09, a vek a gawm in mi 57 pha uhi. Hiai camp tungtawn a khalam a pianthakna tang/hotdam hih kitheihchetna nei mi numei 05 leh pasal 13 a gawmkhawm mi 18 pha hi. Toupa min phat in om hen! Midang 39 ten kilatthakna neithei chiat uhi.
Hiai camp a ding a thumna ana pangte leh thugentute, thilpiak leh lamchi tuamtuam a panlate tengteng tungah EBCC Aizawl, Dinthar in Toupa min in kipahthu leng gen uhi.