Telchingthak Heututen Mohpuakna la

EBC Kumsim Khawmpilian 76 na, 2024 kitelna dungzui in General Secretary thak leh Director ding a telching thak ten tuni January 8, 2025 zinglam dak 11:00 in Chairman, CEC leh Vice Chairman, CEC makaih in incharge kipiakna nei uhi.

Outgoing General Secretary Rev. Dr. S. Vung Minthang in incoming General Secretary Rev. K. Kamchinkhup kiangah charge piakna nei hi. Rev. Thawndoulian, Director of Ministries (outgoing) in Director of Ministries (incoming) Rev. M. Zalian Guite kiangah charge piakna nei a, Director of Missions (outgoing) Rev. K. Kamchinkhup in Rev. Thawndoulian, Director of Missions (incoming) kiang ah incharge pekhia in, Director of Development Rev. Nenglian Vualnam in Director of Development hihna mah lentou lai ding in mohpuakna la hi.

General Secretary thak Rev K. Kamchinkhup leh Director of Development thak Rev. Nenglian Vualnam a ding in outgoing General Secretary Rev Dr. S. Vung Minthang in thumsakna nei a, Director of Missions thak Rev Thawndoulian a ding in Upa V. Ginchinpau, Vice Chairman CEC in thumsakna nei in, Director of Ministries thak Rev. M. Zalian Guite a ding in Upa M. Ginzalian, Chairman CEC in thumsak nei hi.

Hiai hun Dorcas Hall staff ten leng uap uhi.