EBCC Selam Biakinn thak honna

EBCC Selam, Sialkal Division Biakinn thak honna January 31, 2025 (Sintawpni) in Rev. V. Goubiakmuan, Divisional Superintendent in nei hi.
Program zinglam dak 11:30 in Biakinn kong ah Officiating Minister makaih in kipan hi. Tuazoh in Biakinn sung ah hunpi zat in om a hunkemtu in Pastor B. Paubiaksang, Area Pastor pang hi. Hun patna Upa PL Khaisiam, Chairman DEC, Sialkal Division in nei a, Phatkhawmna “Aw Toupa Na Vualzawlna pha” chih sakna om hi. Tuazoh in Biakinn thak lopna thohlawm donna om a, Pastor/Rev. PL Ropiang in latna nei hi. Sonsonte Unau apan in Bible chang genna ngaihkhiak in om a, Secretary Report tomkim Thangbawi in nei hi. Tuazoh in Rev. V. Goubiakmuan, Divisional Superintendent in thugenna hun zang hi. Upa Chinzagou, Local Chairman EBCC Selam in kipahthugenna a neih zoh in, “Aw Vanglian pen Halleluiah” chih la sa in, Pastor B. Chinkhengoupau, Teikhang in Annkuang latna nei in program zou uhi.
Program zat hunsung in EBC Sialkal Division a kipan Saptuamte'n loppihna thilpiak pia ua, DEC Chairman inleng EBC Sialkal Division sik-le-tang in loppihna Rs. 30,000/- pia hi.
Hiai biakinn bawlna ding ah panpihna EBC Headquarter akipan 4,50,000/- leh EBC Mizoram Division (tua Sialkal hita) apan in Rs 50,000/- kingah a, tu in zoh in omta ahihman in TOUPA kia thupina i pia hi.
Tulel in EBCC Selam saptuam inn 3 pha ua, milip 20 khong om uhi. Biakinn lopna in Bawng pumkhat EBCC Selam in ana gou uhi.