Lamka East Division Departmental Fellowship

Evangelical Baptist Convention, Lamka East Division (LED) in tuni February 15, 2025 (Kiginni) zinglam dak 10:00 apan nitaklam dak 4:00 sung EBCC Zion's Centenary Building ah a khatveina ding in Division sung a kahiang tuamtuam a heutute toh kithuahkhawmna hun zang uhi.
Kithuahkhawmna Upa V Englian, Vice Chairman DEC/LED in makaih a, DBYFC makaih in la tungtawn in phatkhawmna nei ua, paikhawm DEC, DBMC, DBDC, DBYFC leh DBCDC member ten mimalmal kipulakna hun nei uhi. Tuazoh in Upa G Liankhoson, Chairman DBMC, Nu Chingngaihlun, President DBDC, Mr. M Thangzasiam, Chairman DBYFC leh Mr. George Thangmuansang, Chairman DBCDC ten thugenna nei uhi.
Rev. N Tuang Lang, DS/LED in hasotna thu gen in Pastor H Kamzachin, Local Pastor EBCC Zion makaih in thumkhawmna nei ua, "EBC kivaipuakna Dan" toh kisai in Rev. Paukhanmang Guite in kisinsakna hun zang in, Pastor H Thangchinkhup, Local Pastor, EBCC Elim Veng in hunkhakna leh ankuanglatna nei in paikhawm teng in itna ankuang umkhawm uhi.
Tulel in Lamka East Division office ding in EBCC Zion Conference hall zang lel uhi. Division sung ah Inn 2,242, Biakinn/Saptuam- 13, Milip- 14,098, Pastor 9 leh Division office a sem mi 4 om lel hi.

LEMLAKTE