EFI saina a All India Congress on Church in Mission (AICOCIM 2025) kichi September 15-18, 2025 sung Nagpur ah EBC palai in Rev. K Kamchinkhip, GS leh Rev. Nenglian Vualnam, DD vatel hi.
AICOCIM program September 15, 2025(2:00PM) in Hotel Tuli International, Nagpur ah kipan hi. EFI nuai a om Saptuam/Convention/ Association tuamtuam apan Delegate mi 300vel paikhawm hi.
Thupi: “Being the church in the changed context of India” Biblical Reflection: Niteng zing 8:00AM-9:15AM in biakna leh devotion kizang zel a, thugen manpha taktak ngaihkhiak zel ahi.
Plenary Session hun 5vei: Hiai Plenary hunte ah thupi tuamtuam- Rediscovering our Mission, Discipleship, Leadership, Justice, Healing, Future-ready (research/Data), etc. zang in India a Saptuamte dinmun leh maban ding kilamlahna hun zat ahi.
Track hun 4vei: Hiai Track hunte ah group neuzaw a kikhen in maban kalsuanna ding omte thupi kipiate pansan a kikupna (consultation) kizang hi.
EFI AGM: Annual General Body Meeting pen September 16, 2025 nitaklam in kinei a, EFI a member Palaite kia tel in hun kizang hi. FCRA renew thei lou uh ahihdan leh tunung a sum saina a buaihuai mahmah ding ahihdan leng hon gen uhi.
Hun zatnate ah Saptuamte’n thuakna kichi gingtute hinsan/ hinpih ahihdan phawk a huchi bang hun haksa ah leng ginna tungtawn a lametna kipahhuai nei I hihdan kim le kiang a theihsak ding i mohpuak ahi, chih hon nak genpen khat uh ahi. Huai ban ah, Artificial Intelligence (AI) leh vanzat tuamtuamte manphatak a zang thei dia kizilsiam poimoh ahihdan leng uang gen mahmah uhi. Saptuamte’n Data/ record hoihtak neih ding, pankhawm siam kisin ding, leh sum-le-pai a mahni kitoudelh thei dia panlak ding chih leng ki-uanggen hi.
DD pen Sept. 19, 2025 in Delhi apan hongpai in Sept. 20, 2025 in Lamka tung hi. GS bel Chandigarh Saptuamte toh hun zang in, EBCC Dwarka ah Hotdamna camp hon zang lai hi. Toupa’n thupina tang hen aw.
EBC Headquarters
New Lamka, Churachandpur - 795006, Manipur, India
