KBC leh EBC in Joint Fellowship neih in om

January 14, 2026 nitak dak 5:30 in KBC Central Church, B.Vengnom, Lamka ah Evangelical Baptist Convention (EBC) leh Kuki Baptist Convention (KBC) in Joint Fellowship neih in om a, hiai hun ah EBC akipan Lamka zang a Pastor-te leh Dorcas Hall office staff-te kihel uhi.

Hunzatna Rev. Lunzalen Khongsai, Secretary Literature & Publication, KBC in makaih in Invocation prayer Rev. T. Thangkhosei Haokip, Pastor KBC B. Vengnom in nei hi. KBC Choir (Lamka Area) ten Praise & Worship makaih in "Ka lungsung set boh", “Jesu neih hinna nom” leh “Iti ngeitam lungset kidang” chih late sa in Pathian phatna nuamtak neih in om hi.

Welcome speech Rev Dr. M. Thongkhosei Haokip, General Secretary, KBC in nei in KBC lam akipan mellahna hun zang hi. Huaihun sung mah in KBC lam in EBC General Secretary, Director-te leh Pastor-te, puan silhsakna nei ua EBC Central Choir, KBC Central Choir (Lamka Area), KBC Central Church Choir, S Kanan Veng leh Central Church, Tuibong te kiang ah kipahpihna thilpiak pia uhi.

Phatna lapawl KBC B. Vengnom te leh EBC Central Choir-te akipan siamtak a sak uh ngaihkhiak hi a, tuazoh in Rev M. Zalian Guite, Director of Ministries EBC in Greeting hun zang in EBC lam mellahna nei hi. Aman Laisiangthou sim in saulou gen hi. EBC Central Choir-te akipan Halleluiah Chorus siamtak a a sak uh ngaihkhiak khit in KBC Choir (Lamka Area) te akipan phatna lapawl ngaihkhiak zom in om hi.

Rev. K. Kamchinkhup, General Secretary, EBC in message genna saulou zang in KBC S. Kanan Veng leh KBC Tuibong te a kipan phatna lapawl ngaihkhiak ahi. Tuazoh in Rev. Dr. Letkhothang Haokip, Secretary, Christian Education, KBC in vote of thanks gen in lapite makaih in "Pakai phattheinan neilhauvin" chih mipi'n kisakhawm a, Rev. Mangboi Kipgen, Pastor, KBC Gambih No. 7 in Benediction gen in program zoh in om hi. Program zoh in mipi paikhawmte'n singpi dawnkhawmna nei uhi.