EBC Cross-Cultural Missionary Retreat-cum-Seminar 2026

Directorate of Missions, EBC Headquarters, saina in February 25-28, 2026 sung EBCC Shillong Biakin Campus ah EBC Cross-cultural Missionary Retreat-cum-Seminar, 2026 program poimohtak zat in om hi. Hiai hun ah sinsaktu in WEC akipan Traugott & Hanni Becker, Switzerland leh ⁠Dr. Khamsuanthang Valte pang uh a, EBC Hq. Dorcas Hall akipan Rev. Thawndoulian, Director of Missions, Upa T. Paukhansiam, Mission Coordinator leh Upa Dr. N. Thangkhansiam, NDPN Coordinator te va kihel uhi. Program hun sung in EBC Missions field mun tuamtuam akipan missionary 40 paikhawm in nikhat in session 4 zel banah akigawm in session 12 zang uh a, missionary paikhawmte’n training manpha mahmah ahihdan gen uhi.
EBCC Shillong in fel leh intektak a zin tunna na’ ana sep ziak un vaisai nuam mahmah a program a telteng leng Itna Thilpiak pechiat uhi. Training zoh in Director leh a teamte’n EBCC Shillong leh Guwahati ah Missions leh NDPN motivation program hon zang uhi.