C3- Vengnuam Study Centre honna neih in om

Convention Child Care (C3) project nuai ah centre anihna hiding in EBCC Vengnuam Sunday School hall ah May 25, 2026 nitaklam 3:30pm in "C3- Vengnuam Study Centre" honna leh thumsakna Rev. K Kamchinkhup, General Secretary, EBC in nei hi. C3- Hebron Study Centre ahihleh Nov. 5, 2025 in EBCC Hebron ah kipanta hi.

Tuni a Centre honna hun a paikhawmte ahihleh ahamphatpih ding a telkhiak naupang mi 50te leh a sungkuante uh, EBCC Vengnuam apan TBUC, TBDC leh TBYF memberte, LWD, LED, LND & LSD apan DSte ban ah Dorcas Hall apan Directorte leh staff te ahi uhi. Saptuam pumpi a numeite aiawh in CDSC te leng tel uhi.

Hiai Centre ah naupangte'n nitaklam teng in laisimna leh Pathian thu a kilamlahna nei in hun zangkhawm zel ding uhi. Centre in-charge Ms. Chingnunmawi in makaih ding a, phatuamngai volunteer tuailaite (care-givers) 8 toh pangkhawm in naupangte Khalam, Lungsim lam, leh Taksa lam taksapte zongkhia in panpihna saptuamte tungtawn in pe zel ding uhi.

1. Chingousiam
2. Thangmuansiantuang
3. Joycee Zammuanniang
4. Esther
5. Chingngaihniang
6. Ngainunmawi
7. Muanhoihkim
8. Hoihnunmawi