DLTU Workshed leh EBC Health Care Services Honna

DLTU Workshed Honna leh Latna
LRRC leh NDPN pangkhawm a sepkhiak ding Discipleship and Livelihood Training Unit (DLTU) Workshed Honna leh Latna June 12, 2026 in Rev. Thawndoulian, Director of Missions in nei hi. DLTU pansan in Lametnamun a kikemte leh NDPN tungtawn in khut nasep chi tuamtuam sin siamna piak hi ding hi. Inmates 100 tan keptheihna ding a panlakna paizom zel in dormitory building bawlna nasepna in masawn zel hi. Tukum sung in 50 apan 25 tan behlap ding leh kum thak 2027 a 25 mah behlap a mi 100 tan keptheihna hi ding a geel leh panlak ahi.

DLTU nuai a sinsakna masapen ding in sik souhna (iron welding & fabrication) Lametnamun inmates kha 4 sang a tamzaw kikemtate lak ah Mr. T. Khualpu in Theory leh Practical sinsakna hong pezel ding hi.  Sinsaktu ding Mr. T Khualpu in 2000 kum  in Ministry of Labour GOI - National Council for Vocational Training nuai ah 1998 apan 2000 sung DonBosco Technical Shillong ah zil zou in  National Trade Certificate sang hi.

EBC Basic Health Care Services  Honna leh Thumsakna
EBC Basic Health Care Services (Pilot Project) Honna leh Project leh semtu ding Nurse-te thumsakna Rev. M. Zalian Guite, Director of Ministries in Lametnamun ah June 12, 2026 in nei hi. EBC Kumsim Khawmpi 2025 thukimna - Hospital Project Khawlsan phot a, Health Care Services pibawl ding  chih pansan a panlakna ahihdan Upa Dr Vumchinpau, Chairman LRRC-HCB in project pulakna nei hi. Hiai project a semtu ding Nurse-te Nialthianhoih leh Dimkhanniang te’n June 2026 apan hong join in orientation leh field learning in kal 2 sung hun zangta uh a, June 15, 2026 in Bukpi khua pansan a nasepna  Thanlon Division sung a khuate ah pan ding in kuan khe ding uhi.