Inmate keptheih zah ki behlap ding: 2025 Kumsim khawmpi thupukna- Lametnamun a mi 100 tan kep theihna ding a panlakna - dormitory building bawlna nasepna in masawn zel in tukum 2026 sung a lupna 25 behlap a mi 75 tan leh, kum thak 2027 a 100 tan kem theita ding a lamet ahi.
Discipleship- Livelihood Training Unit (DLTU): Inmate kha 4 sanga tamzaw om te a ding in khutnasep siam sinna, kal khat a ni 3 (Seppatni, Nilaini leh Sintawpni), July kha in pat ahi. Inmate 9 in siksouh (Iron welding) toh kisai Theory leh Practical sin uhi. Vanzat tuam tuam – Angle grinder, Welding Machine, Welding rod te akituahpih dungzui leh diktak a zat ding dan sin uhi. Nasepna a vanzat leh sum lut ding zah Suut (calculate) leh Tehna (measurement) lak ding dan banah bitna vanzat (safety equipment) te zat ngei ngei ding ahih dan zil uhi.
Nungzuihna: Sintawpni sun nung 1:30 to 3:00 PM in Nungzuihna toh kisai sinsakna Discipleship Coordinator Rev Chinkhengoupau Buansing in nei zel hi.
Sinsaktu te’n thaiit, lunglut leh deihsakna toh sinsak in, sintute leng lung lut leh kithalawp chiat uhi.
EBC Headquarters
New Lamka, Churachandpur - 795006, Manipur, India
