EBCC Pethuel in KCC Molnom Biakinn ah Biakkhawmna hun zang

Saptuam kum thupi sepkhiakna in July - August sung a EBC hilou Saptuam pawldang khat toh Biakkhawmna hun zat ding chi a tunglam apan thusawm om bang in August 23, 2026 (Nipini) nitak in Kuki Christian Church, Molnom Saptuamte veh in EBCC Pethuel apan mipi 150 hu va kalsuan thei uhi. Nitak dak 5:00 a Biakin mun a paikhawm in huai ah Bus 3 leh mimal gari 10 vel a kiguang in Molnom manoh uhi.

Hunzek Pitu in Upa M Thanglianmang pang a, Hunpatna Nu Zensuanching in zang in KCK Worship Team pina in phatkhawmna nuamtak zang uhi. Vaidawnna Upa Sothang, LCC Chairman in a neihkhit in KCK Molnom apan phatna lapawl om hi. Upa T Khupzabiak, TBUC Secretary in report pia in BYF Pethuel apan phatna lapawl in zom a, Pa Thenmang, LCC Secretary inleng report pia in Miss Chingthianngaih apan phatna lasak ngaihkhiak in om hi. KCC apan Mr Lalminlun in phatna la sa in Pastor M Ginzatun in thutakgenna hun zang a, Upa V Ginkhanmuan, TBUC Chairman in kipahthu gen in Pastor Lettinlal Misao in hunkhak in biakkhawmna nuamtak zoh ahi.