LRRC-DLTU Valedictory & Short Course Book Dedication Program

October 15, 2026; 01:30 in DLTU Workshed, LRRC mun ah LRRC leh NDPN pangkhawm a ki semkhia Discipleship and Livelihood Training Unit (DLTU) nuai a “Siiksouh (Iron welding & Fabrication) kisinsiam mi 7 te kiang ah certificate piakkhiatna neih ahi. Hiai project ahih leh June 12, 2026, Rev. Thawndoulian, Director of Missions in launching a neih hi a, khamtheih ziak a Lametnamun a kha 4 sang a tamzaw kikemtate lak apan lunglutna nei mite sinsak ahi uhi.
Program zatna Dorcas Hall staffs-te, Lametnamun a semtute leh inmates te banah graduates-te’ inkuante leh deihsaktu tuamtuamte’n uap in Rev. K. Kamchinkhup, General Secretary in Graduate-te hanthawnna leh certificate piakkhiatna nei hi. Tutung a graduation certificate sangte amaute ahi uh:

1. Chinzakhum S/o H. Ginkhosiam
2. Khupkholal S/o Zamkhopau
3. Vungkhanson S/o Huaiching
4. Siamkhanlian B/o Ruby Manhoihching
5. T. Pauminlian S/o Niangta
6. Liansonlal S/o Thangkhankhup Guite
7. Thangminlian Hauzel S/o Vungsangdim

Program hunsung mah in “Short course on iron welding works” kichi laibuta, Mr. T. Khualpu (Instructor) in a bawl honkhiakna leh Pathian kiang ah latna Rev. Nenglian Vualnam, Director of Development in nei hi. Hun tawpna ah Rev. M. Zalian Guite, Director of Ministries in leng hanthawnna thu saulou gen in graduate-te banah Lametnamun omte leh semtute adia thumsakna nei in program zoh ahi. Maban ah DLTU project nuai ah Iron welding banah tailoring, pumbling, carpentry leh a dangdang leng sunzom tou ding uhi.