Singngat Division a om EBCC Khuanggin in Biakinn thak a lam uh zoh ahihtak toh kiton in October 29, 2026 in Rev M. Zalian Guite, Director of Ministries in honna leh Pathian kianga latna nei hi.
Program sunnung dak 1:00 in kipan a Biakinn kong ah hun masa zang in hunkemtu in Pastor Liangoumang pang in Biakinn Honna Officiating Minister Rev M. Zalian Guite, Director of Ministries in nei hi.
Biakinn sung ah Officiating Minister makaih in thukidawng simkhawmna neih in om a, Biakinn latna Officiating Minister in nei hi. Vaidawn thugen Upa M. Thongzapau, Chairman, EBCC Khuanggin in nei in BYF EBCC Songtal akipan phatna lapawl leh Secretary Report Upa Kamsuanding, Secretary EBCC Khuanggin in nei hi. Thugentom Rev Khamkhanchin Ngaihte, DS Singngat Division, Goukholal Guite, Chief of Khuanggin leh Dorka ten gen ua Hunkhakna Upa N. Daithianlal, Chairman, EBCC Songtal in nei hi. Program zoh in kipahna annkuang umkhawmna leng nei uhi.
EBC Headquarters
New Lamka, Churachandpur - 795006, Manipur, India
