Tuni November 5, 2026 nitaklam 3:30pm in EBCC Kanaan a Sunday School Building ah Convention Child Care (C3) project nuai a Study Centre 3na hi ding in "C3- Kanaan Study Centre" kichi Rev. K Kamchinkhup, General Secretary in honkhiakna nei hi.
Hiai Centre ah naupang 50 telkhiak a omte'n nitaklam teng in laisimna leh Pathian thu a kisinsakna nei zel ding uhi. Centre In-charge leh Caregiver te'n naupangte kem in makaih ding uhi. Study Centre dang nihte ahihleh C3- Hebron Study Centre leh C3- Vengnuam Study Centre ahi.
EBC Saptuam in naupang kepna project thak "Convention Child Care" (C3) kichi kum 2025 in ana panta hi. Hiai project ahihleh naupang kep biik poimohte khualna ahi a, study centre teng ah naupang 50 zel in hamphatpih phot ding uhi. School kaitawp chiang in naupangte'n hiai centre-te hon zuan ding uh a, singpi leh sang ne in, kemtu "caregiver" te'n Centre In-charge makaih in sinsakna tuamtuam pia in khomial ma ana kem ding uhi. Laisimna munpi leng hong suak ding hi.
Khalam kikepna poimoh ngaihpen a nei in Pathian thu leh la ah makaih in om ding uhi.
Hiai project nuai mah ah C3- Hostel kichi leng August 15, 2026 in kipan a, huai ah naupang 20te kep in om lel uhi.
EBC Headquarters
New Lamka, Churachandpur - 795006, Manipur, India
