DOTPROJ 6th Batch Graduation

Central Dorcas Sub-Committee saina in Dorcas Tailoring Project (DOTPROJ) 6th Batch Graduation program zat in om hi.
Program zatna Mrs. Biaki in makaih in Mrs. Nemngaihmawi, Dorcas Coordinator in DOTPROJ nuai a puankhui zil zou thak mi 13 kiang ah certificate piakkhiakna makaih a, amaute kiang ah Rev Nenglian Vualnam, Director of Development in certificate pekhia hi. Rev Dr. S. Vung Minthang, General Secy, EBC in hanthawnna leh amaute a ding in vualzawlna ngetsak in a vek un puankhuina khawl khatchiat pekhia hi.
Dorcas Tailoring project ahihleh 2017 in kipankhia a, atung in puankhui zil mi 3 lel himahleh tutan in mi 56 in zoukhe ta hi.