EBC-Healthcare Board saina in New Kangkap ah March 4, 2026 in Free Medical Health Camp neih in om hi. Sun hun (12 noon) in Lamka apan Medical team amun tung uh a, DS/ Singngat Division makaih in kivaidawnna leh mellahna hun zang in Bialtu Pastor in thumna nei hi. Mellah a omte- Dr. Jam Thianlal DTO, Dr N Thangginmang Dentist, Dr H Ginthianmung Eye Specialist, Dr. Chinngaihlun Gynea, Dr. Khamlalmuan Hartlang Surgeon, Dr. Suanlianmang Phaipi Child Specialist, Nurse Ngaihlun, Nurse Muankim, Upa Jamsangchin, Upa T Langsanglian, Director of Development, Mr. Sonmuan, Mangmang & Lallal te ahi uhi.
Hiai hun ah khosung leh khokim apan damlou kiensak mi 180val om a, damdawi leng asum a tuat in nuaikhat val man hawmkhia uhi. Nitaklam 3:30pm vel in camp zoh hi a, Singngat Division Office in khotual saptuamte tuanvaina in medical team te nitakan nekpih uhi. Khosung mi leh saptuamte toh kichimatna hun ahihman in manpha mahmah hi. Damlou tamtakte'n aphattuampih ngei uh lamet ahi.
EBC Headquarters
New Lamka, Churachandpur - 795006, Manipur, India
