Hebron Child Care C3

Tuni April 6, 2026 sun dak 12:00 in EBCC Hebron, Sunday school Hall ah C3 session thak honna neih in om. Hiai hun ah Pastor T. Songkhanthang in session thak honna nei in, Miss Engnunmawi, Study Centre incharge in teacher dingte pulakna nei a, Nemlawmching, Dorcas Coordinator in amaute hanthawnna leh hunkhakna nei hi.
Hebron Child Care Centre a semtu ding a volunteer-te:

1. Engnunmawi, Centre Incharge
2. Kimngaihlian
3. Chingkhosiam
4. Vungthianmuang
5. Vungthianching
6. Jam Gelching
7. S. Nengvanglian leh
8. Kamthianlal

Convention Child Care (C3) ahih leh EBC in Pathian Saptuamte nasep ding Nnahoihte Sepna sunga kepngai naupangte kepna ding a Kumsim Khawmpi 76na, Thupukna No. 12/2024 leh CEC 327 Thupukna 1na dungzui a malakna ahi. Hamphatna ngah naupangte seh a om tualsung saptuamte’ nipi Skul building ah nitaklam skul kaitawp chiangin dakkal 3 vel etkolna neih ahi.