Tulai a Manipur gam buaina hun tamtak a i thumpih ahihlai in masawn zel in May 3, 2023 nitak apan buaina hong piangkhia in inn kihalsak leh thagum suahna leh siluang tanpha kikham in i buai lellel hi. Hiai toh kisai in Saptuamte kiang ah kizaksakna bawl ahi.
1. I gam buaina gam leitang toh kisai leh Tribal hihna toh kisai ahihman in kuapeuh hon sukha hi. Huaiziak in, Saptuamte’n a lemtang bang bang a thumna a tamthei lam nei ding in i kichial hi.
2. Muanna leh bitna dengdel mahmah ahi chih i thei a kuapeuh in namkal kitheihsiam louhna piangsak thei ding thugen leh gelh neilou ding in i kingen hi.
3. Makaite a ding in thum ni, mipite itna leh lainatna taktoh hon makaih zel theihna ding un.
4. Mipi biakna toh kisai pen mahni tualsung dinmun zil a local in thupuk zel a hoih pen ahi. Mipi kikhopna al emtan louh hun inleng mimal leh inkuan thumna a tamthei lam nei ding in i kichial in i kingen hi.
5. Evangelical i hi a Laisiangthou sinsakte thugen leh gamtat a kingakna ding omsun ahi chih pomte i hih mahbang in tuhun a tak a zat hun ahi. Lemna leh muanna tungdingtu hihchiat i sawm ding uhi.
I buaina teng teng sang a thupi zaw Pathian in hon khamuan hen!
Sd/-Rev. S. Vung Minthang
General Secretary
