Division Baptist Youth Fellowship, Lamka North Division saina in April 25, 2026 (Kiginni) zinglam dak 11:00 akipan nitaklam 3:30 sung EBCC G. Mawnglian ah “ONE DAY LEADERS CONCLAVE 2026” program poimohtak zat in om hi.
Hun masa ah kipumpiakna leh workshop putlakna Rev. B. Chinkhengoupau, Youth Coordinator in nei a, a bante workshop breakout session hun in zang uhi.
Workshop 1na ah Khua chih TBYF Chairman, Vice Chairman, Secretary leh Assistant Secretary te kihel in "Khangthakte a ding a BYF Ngaihtuahna" chih thupi zang in sinsakna Rev. B. Chinkhengoupau , Youth Coordinator in nei hi.
Workshop 2na ah Programme Saipawl-te leh BYF Committee apan Workshop 01 & 03 a tellou teng in "Vaiguan khenlam ah: Hinkhua sukha ding Kithuahkhawmna" chih thupi zang in Pastor L Siamlalmuan in sinsakna pia hi.
Workshop 3na ah BYF Committee akipan Music leh Lapawl Saipawl-te tel in "Nungzuihna tungtawn a suakkhia Biakna leh Phatna" chih thupi a nei in Mr. Thangbiaklal Valte, Music Promoter in sinsakna pia hi.
EBC Headquarters
New Lamka, Churachandpur - 795006, Manipur, India
