Evangelical Baptist Convention, Headquarters Music Department (EBC Music Ministry) saina a April 21, 2026 akipan ni 10 sung daih ding “TONIC SOL-FA & STAFF NOTATION” kisinsakna Mini Auditorium, Gospel Centenary Hall a kinei lamzangtak a kisinsakna zoh ahihtoh kiton in tuni May 1, 2026 nitaklam 1:00 pm in closing program neih in om hi.
Hiai hun ah Upa H. Siamkhansang, Choir Conductor makaih in Phatkhawmna leh patna thumna neih hi a, Mr. Thangbiaklal Valte, Music Promoter in certificate hawmkhiakna makaih in, sintu 37 te kiang ah EBC Music Ministry nuai ah Junior Certificate piak in om hi.
Tuazoh in Rev. K Kamchinkhup, General Secretary in training te hasotna hun zang in, hun tawp ah Rev. M Zalian Guite, Director of Ministries in kipahthu genna leh training khakna nei hi.
Training hunsung in Mr. Thangbiaklal Valte, Music Promoter, Upa H. Siamkhansang, Choir Conductor leh Mr. Thangbiaksang te sinsaktu in pang uhi.
EBC Headquarters
New Lamka, Churachandpur - 795006, Manipur, India
