EBCC Guwahati in Discipleship Training TIER-1 manphatak in zou

EBCC Guwahati in 2026-2027, Financial Year sung a “Discipleship Training” thumvei neih ding chi a Year plan a bawl uh dungzui in, Kisinsakna Tier-1, October 2–4, 2026 (Fri-Sun) sung EBCC Guwahati ah nei uhi. Hiai hun ah Resource person in Rev K. Kamchinkhup, General Secretary pang hi.
Nikhatna October 2, 2026, in Saptuam makaite (Departmental Committee members-te) kihel ua, “Khrist Nungzui Bawl Dia Makaite Thopna (Leading Like Christ: Equipping Leaders to make Disciples)” chih thupi zangin sinsakna Session nih a khen in nei uhi.
Ninihna, October 3, 2026, ni-in Saptuam mipi a lunglutte leh makaite tel in “Gingtute tengteng Khrist Nungzui Bawl dia Sap ihi (Every Believer is Called to make disciples) chih thupi zang in Session nih a khen in kisinsakna hun zang uhi.
Nithumna, October 4, 2026, Nipini in Mipi Biakkhawmna hun ah Rev. K. Kamchinkhup, General Secretary in Saptuam mipite Khrist Nungzui Bawlna sepkhiak dingdan hanthawnna leh innkuan khalam kikepna leh Khrist Nungzui Bawlna uangbawl ding poimohsakna gen hi. Pathian vualzawlna leh ompihna toh hiai training programme zoh ahihtoh kiton in gah hon suang ngei dia dia lamet ahi.