September 27, 2026; 06:30 PM in KBC CENTRAL CHURCH in “KIPUMKHATNA” chih thupi a nei EBCC JORDAN Saptuamte veh in kithuahkhawmna hun manphatak zang uhi. Hiai hun ah Rev. Lunkholal in thutak genna nei in, Sa leh kha a pumkhat ihihdan gen a, kipumkhat semsem a, lemna pailai hi ding in Saptuam mipite hanthawnna bawl hi.
Program hun ah Pastor H. Thangbiaklal, Local Pastor, EBCC Jordan leh Rev Lunkholal te’n nampuan nektie kikhektuahna leh ki awhsakna nei ua, tua in Saptuam mipite lungsim zou mahmah hi’n leng kigen hi. Hun tawpna ah khut kilen in lemna pailai leh khat leh khat ki-ittuah ding a thusam leng neikhawm uhi. Kivehtuahna hun ah Mipi paikhawm tam mahmah in manphatak in hun zou uhi.
EBCC Jordan in ahihleh apaita July 26, 2026 nitak in KBC B. Vengnom-te vehna ana nei ngeita ua, hiai kivehtuahna in gah thupi suang in unaute’n leng vehna hong nei uhi.
EBC Headquarters
New Lamka, Churachandpur - 795006, Manipur, India
