September 14-20, 2026, sung EBCC Suangdoh in Nungzuihna toh kithuah Hotdamna Camp Sawng 2, kum 18 leh a tunglamte ading in nei hi. Thugentu in Evangelist Upa Lianding Guite, leh counsellor in TK Khual Hanghal pang hi.
Sawng 1na ah Numei 74 lut uh a, amaute September 17 (Ningani) Zing Ann nekhin in pawt uhi. Sawng 2na September 17 nitak in pasal 87 lut nawn uh a, September 19 (Kiginni) Nitak in camp zousiang uhi. September 20 (Nipini) in Saptuam mipi toh biakkhawmna hun in zang ding uhi.
Amaute' lak ah Hotdamna tang, Khalam a Halhthakna tang leh Baptisna tang ding tamtak om uh a, Pathian Kha nasepna tungtawn in camp gahsuah mahmah hi a theih ahi.
EBC Headquarters
New Lamka, Churachandpur - 795006, Manipur, India
