BIIS Annual General Body Meeting, Pailapool

October 7, 2026, in Pailapool, Assam ah “BIIS Annual General body Meeting 2026” (AGM) neih hi a, EBC ai-oh in Rev. Nenglian Vualnam, Director of Development leh Pastor Liangouson Phaipi, Area Pastor, Silchar te va kihel uhi. Hiai meeting ahihleh BIIS leh EBC in kum tamtak nna a sepkhawm nung a tukum 2026 a AGM member ding a laklut (obsorb) ahihtoh kiton a EBC a kihel khak khat veina ahi. Tutung Annual meeting in EBC BIIS Executive Member (2027-2028) khat hiding a laklutna leh pomna leng neingal uhi.
Huai ban ah, North East Tripura a om amau pau a Bible nei nailou Rupini tribe kichite a ding a Bible translation work Project thak ding a pomna leng AGM ah nei ngal uhi. Hiai project thak pen EBC in sponsore sak ding in ngetna hon bawl uh a, CEC in tunung in genkhawmpah ding hi. Pathian in amah gam nna sepna ding kong lianzaw hon honsak ahihman in i kipak mahmah hi.