EBCC Guwahati Tualsung Dorka Khawmpi 2026

Tualsung Baptist Dorcas Committee (TBDC) EBCC Guwahati makaih in Tualsung Dorka Khawmpi a nga veina August 15 leh 16, 2026 in nei uhi. Hiai hun ah thugentu in Nu Nemlawmching, Dorcas Coordinator pang in khawmpi thupi ‘Lemna Bawltu Khrist Nungzui Nute’ chih zang uhi.

A ni masa ni, August 15 in session nih zang ua, khawmpi thupi pansan in thugentu tungtawn in sinsakna manphatak: Nute i hinkhua pumlum a nungzui bawl i hihdante sinsakna leh huai ding a poimoh pen Toupa laudan siam Nu hih ding ahihdan, leh bangchi bang Nute Toupa Laudan Siam Nu hi uhiam chihte kisinsakna nei uhi.
Dorka pawlte group nga- Priscilla, Lydia, Martha, Junia leh Elizabeth- a kikhen in kitaitehna tuamtuam leng nei ua, huai kitaitehnate ahihleh-

1. Bible Tang: Philippite 2: 1-11
2. Lapawl: Toupa Di'n Dingkip In (Biakna Late 360)
3. Solo: Itna Taan Chiang (Biakna Late 12)
   Nitak ankuang umkhawmna nei in kuapeuh salam leh khalam ah tai mahmah uhi.

Khawmpi Nipini, August 16 in Dorcas Coordinator in hunpi zang in, lemna bawltu Nu hihna ding a Nute Toupa laudan siam hih dingdan sinsakna sunzom hi. Pathian’ Kha pina toh khawmpi manpha in nuam sa mahmah uhi. Thupina tengteng Toupa i pia ahi.